काठमाडौँ । सरकारले संविधान दिवसका दिन आममाफी दिएका व्यक्ति आपराधिक पृष्ठभूमिको रहेको भन्दै विरोध भइरहेका बेला राष्ट्रिय स्वतन्त्र पार्टी नेपालले यस विषयमा राष्ट्रपति मार्फत् सरकारको ध्यानाकर्षण गराएको छ ।
आज सो पार्टीका सभापति रवि लामिछानेको संयोजकत्वमा पार्टीको प्रतिनिधिमण्डल शीतल निवास पुगेर राष्ट्रपति रामचन्द्र पौडेललाई ध्यानाकर्षण पत्र दिएको हो ।
रास्वपाकाका अनुसार नेपालगञ्जका रिगल भनिने योग ढकाललाई सरकारको सिफारिशमा राष्ट्रपतिले आम माफी दिनुभएकाले उहाँमार्फत् सरकारको ध्यानाकर्षण गराउन सो पत्र दिइएको हो ।
सो पार्टीको प्रतिनिधिमण्डल आज बिहान राष्ट्रपति कार्यालयमा पुगेर उक्त ध्यानाकर्षण पत्र हस्तान्तरण गरेका थिए ।
