काठमाडौं । प्रधानमन्त्री पुष्पकमल दाहाल ‘प्रचण्ड’ अमेरिका र चीनको औपचारिक भ्रमण सकेर स्वदेश फर्किदै हुनहुन्छ । आठ दिनको चीन भ्रमण सकेर प्रधानमन्त्री दाहाल चीनको छेन्दुबाट स्वदेश फर्कनु लाग्नु भएको हाे ।
संयुक्त राष्ट्रसङ्घको ७८ औँ महासभामा भाग लिन प्रधानमन्त्री ‘प्रचण्ड’ नेपाली प्रतिनिधिमण्डलको नेतृत्व गर्दै भदौ ३० गते अमेरिका जानुभएको थियो ।
संयुक्त राष्ट्रसङ्घको न्युयोर्कस्थित मुख्यालयमा चलेको महासभाको आम बहस, जलवायु सम्मेलनलगायत विविध सत्रमा नेपाल सरकारका तर्फबाट उहाँले सम्बोधन गर्नुभएको थियो । न्युयोर्कमा रहँदा उनले अमेरिकाका राष्ट्रपति जो बाइडेनसँग भेटवार्ता गर्नुका साथै अन्य द्विपक्षीय भेटवार्ता पनि गर्नुभएको थियो ।
प्रधानमन्त्री दाहालल छिमेकी मुलुक चीनको औपचारिक भ्रमणका लागि असोज ५ गते अमेरिकाबाट सिधै चिन पुग्नु भएको थियो । दक्षिण एसियाली खेलकुद उद्घाटन समारोहमासमेत सहभागिता जनाउन चीन पुग्नु भएका दाहालले चीनका राष्ट्रपति सी चिनफिङसँग भेटवार्ता गर्नुभयो ।
तस्बिरः प्रदीपराज वन्त
