मुम्बई । अभिनेता सलमान खानको चलचित्र ‘राधेः योर द मोस्ट वान्टेड भाइ’ रिलिज हुने भएको छ । सलमानले चलचित्र राधेः योर द मोस्ट वान्टेड भाइ यही इद (मे १३) मा कोरोना कहरकाबीच रिलिज गर्न लागेका हुन् ।
चलचित्र भारतमा पहिलोपटक हल र डिजिटल प्लेटफर्म दुवैमा एकैपटक रिलिज हुने भएको छ । यो चलचित्र ४० देशका हलमा एकैपटक रिलिज हुँदैछ ।
चलचित्र डिजिटल प्लेटफर्म जिप्लेक्समा प्रति भिउज २४९ भारुमा हेर्न सकिने जनाएको छ । हरेक पटक राधे हेर्न दर्शकले २४९ रुपैयाँ तिर्नुपर्ने हुन्छ ।
चलचित्रमा सलमान खानका साथै दिशा पटानी, रणदीप हुड्डा, ज्याकी श्राफ मुख्य भूमिकामा छन् । बलिउड हंगामाबाट
