काठमाडौँ । मेलुङ स्टोरिज नामक परियोजनामा मानिसहरूलाई कसरी आफ्नो जीवनको कथा प्रस्तुत गर्ने र आफूलाई आफू जस्तो बनाउने अनुभवहरू कैद गर्न सिकाउने कार्यशालाको नेतृत्व गरेवापत दिया योञ्जनलाई ‘आईभिएलपी इम्प्याक्ट अवार्ड २०२३’ प्रदान गरिएको छ ।
नेपालस्थित अमेरिकी राजदूतावासका अनुसार मेलुङ स्टोरिज परियोजना नेपालका लैङ्गिक तथा यौनिक अल्पसंख्यकका कथाहरूलाई कथा बाचनको माध्यमबाट प्रस्तुत गर्न र अभिलेख राख्न केन्द्रित छ।
पाँच महिना लामो उक्त कार्यशालाले युवा क्वेयर कथाकारहरूलाई उनीहरूको कथा प्रस्तुती कौशल सुधार गर्न र उनीहरूको व्यक्तिगत कथाहरू बाहिर ल्याउन मद्दत गर्दछ।
मेलुङ नाम एम्बरको तामाङ शब्दबाट आएको भन्दै राजदूतावासले यसले कथा वाचन कलामार्फत दैनिक जीवनको सार कायम गर्ने उद्देश्य राख्ने बताएको छ ।
