एजेन्सी । भारतीय टोलीका पूर्व क्रिकेटर रोबिन उथप्पाले सन्जु सामसनलाई आगामी विश्वकपका लागि समावेश नगरिएकामा निराशा व्यक्त गरेका छन् ।
अष्ट्रेलियाविरुद्ध शुक्रबारदेखि सुरु हुने तीन खेलको एकदिवसीय शृंखलामा पनि सञ्जु सामसनलाई बेवास्ता गरिएको थियो ।
उथप्पाले एकदिवसीय क्रिकेटमा उत्कृष्ट कीर्तिमान बनाए पनि सञ्जु सामसनलाई बेवास्ता गरिएको बताए । उथप्पाले सञ्जु सामसनको विश्वकप योजनामा नभएको खण्डमा कम्तिमा एसियाली खेलकुद खेल्न पठाउनुपर्ने कुरा स्पष्ट भएको बताउँछन् ।
‘सञ्जु सामसनलाई टिममा नराख्दा मलाई गलत लाग्यो । एकदिवसीयमा उनले जति अवसर पाए सबैमा राम्रो गरे । हो, टी–२० अन्तर्राष्ट्रिय ढाँचामा उनको प्रदर्शन एकरूप थिएन, तर एकदिवसीयमा उनको प्रदर्शन राम्रो थियो । स्पष्ट कुरा के हो भने उनलाई एघारमा स्थान नदिइने, त्यसोभए उनलाई किन टोलीमा राख्ने ?’ उनले भने ।
सञ्जु सामसनले १२ ओडीआई इनिङ्समा ५५.७१ को औसतमा ३९० रन बनाएका छन् । केएल राहुल र इशान किशनले सञ्जु सामसनको स्थानमा उत्कृष्ट प्रदर्शन गरेका थिए ।
