काठमाडौँ । पूर्वराष्ट्रपति विद्यादेवी भण्डारीले शान्ति विश्वको साझा चाहना भएको बताउनुभएको छ ।
विश्व शान्ति दिवसका अवसरमा शुभकामना दिँदै उहाँले शान्ति हरेक देशको विकासको आधार समेत भएको बताउनुभएको छ । उहाँले भन्नुभएको छ, “शान्ति र स्थिरताविना कुनै पनि मुलुकले विकास र समृद्धि हासिल गर्न सक्दैन ।
आज विकासको नाममा भइरहेको प्रकृतिको अनावश्यक दोहन तथा स्रोत–साधन, शक्ति र सत्ताका लागि भइरहेको छिनाझपटीका कारण आज विश्वमा अशान्ति बढ्दै गइरहेको छ ।”
विविध चुनौतिहरूका बाबजुद आजको आवश्यकता विश्वमा शान्ति स्थापना गर्नु हो भन्दै उहाँले यसका लागि प्रत्येक व्यक्ति, परिवार, समाज र राज्यका साथै अन्तर्राष्ट्रिय संघ(संस्था सबैको संयुक्त पहलकदमी आवश्यक रहेको उल्लेख गर्नुभएको छ ।
