काठमाडौं । नेपाली कांग्रेसका सभापति शेरबहादुर देउवासँग छलफल गरेपछि प्रधानमन्त्री केपी ओलीसँग छलफल गर्न जनता समाजवादीका अध्यक्ष महन्थ ठाकुर र बरिष्ठ नेता राजेन्द्र महतो बालुवाटार पुगेका छन् ।
कांग्रेस सभापति देउवालाई जसपाको भर परेर कुनै निर्णय नलिन सुझाब दिदै उहाँहरुले उपेन्द्र यादवको निर्णय एकल भएको पनि स्पष्ट पार्नुभएको छ । ठाकुर र महतोले देउवालाई बैकल्पीक सरकारको बारेमा कुनै निर्णय नगरेको स्पष्ट पार्दै विश्वासको मतमा जसपा तटस्थ बस्ने, बैकल्पीक सरकार गठन हुन नसक्ने हुँदा मुलुक निर्वाचनमा जानु पर्ने सुझाव दिनु भएको थियो ।
देउवा संग डेढ घण्टा लामो छलफलपछि उहाँहरु बुढालिकण्ठबाट बालुवाटार पुग्नु भएको छ । पछिल्लो समय ओलीसँग नजिकिनु भएका ठाकुर र महतोको पछिल्लो निर्णयले बिपक्षी मोर्च पनि हच्चिएको छ ।
