सिरहा । प्रहरीले कम्मरमा बाँधेर ल्याइएको पाँच किलो चाँदीको गरगहनासहित एक जना भारतीय नागरिक पक्राउ गरेको छ ।
भारत मधुबनी बरहमपुरा–३ बस्ने ५२ वर्षीय विश्वनाथ साहलाई प्रहरीले भगवानपुर गाउँपालिका- ४ ठाडीबाट गरगहनासहित पक्राउ गरेको हो ।
भारतबाट नेपालतर्फ पैदल आउँदै गरेका उनलाई जाँच गर्ने क्रममा कम्मरमा बाँधी ल्याएको अवस्थामा गरगहनासहित पक्राउ गरिएको प्रहरी चौकी ठाडीले जनाएको छ ।
प्रहरीले यस बारे थप अनुसन्धान गरिरहेको छ ।
