काठमाडौँ । नेपाली सुनचाँदी बजारमा आज बिहीबार सुन-चाँदीको मूल्य बढेको छ ।
आज छापावाल सुन प्रतितोला पाँच सय रुपैयाँले बढेर एक लाख ११ हजार एक सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । बुधबार छापावाल सुन प्रतितोला एक लाख १० हजार छ सय रुपैयाँमा कारोबार भएको थियो ।
यस्तै आज तेजाबी सुन प्रतितोला एक लाख १० हजार पाँच सय ५० रुपैयाँमा कारोबार भइरहेको छ । हिजो उक्त सुन प्रतितोला एक लाख १० हजार ५० रुपैयाँमा कारोबार भएको थियो ।
त्यसैगरी, बिहीबार चाँदीको मूल्य पनि बढेको छ। आज चाँदी प्रतितोला ३५ रुपैयाँले बढेर १४ सय ६० रुपैयाँमा कारोबार भइरहेको महासंघले जनाएको छ ।
