काठमाडौँ । काठमाडौँको बुद्धनगरस्थित ज्ञान निकेतन स्कुलभित्र आ बिहान प्रवेश गरि आतंक मच्चाइ रहेको भैंसी नियन्त्रणमा लिन प्रहरीले वन कार्यालयको प्राविधिक टोलीलाई बोलाएको छ ।
वन प्राविधिक टोलीले डार्ट गरेर उक्त भैंसीलाई नियन्त्रणमा लिनका लागि खबर गरिएको जिल्ला प्रहरी परिसर काठमाडौँका प्रवक्ता तथा प्रहरी उपरीक्षक कुमोध ढुङ्गेलले जानकारी दिनुभयो । उहाँका अनुसार उक्त भैसीले एक जना महिलालाई सामान्य घाइते बनाउनुका साथै दुई वटा गाडिमा क्षती पुर्याएको छ ।
भैंसी विद्यालयभित्र छिरे पछि विद्यालयले भुईतलामा रहेका कक्षामा पढ्ने सबै विद्यार्थीहरुलाई माथिल्लो तलामा सारेको प्रहरीले जनाएको छ ।
बुद्धनगर र शंखमूल क्षेत्रमा आज बिहान अनियन्त्रित अवस्थामा हिँडेको भैंसीले आक्रमण गर्न सक्ने डरले स्थानीय आतंकित भएका थिए । आतंकित जस्तो देखिने उक्त भैंसी गल्लीगल्ली चहार्दै ज्ञान निकेतन स्कुलभित्र प्रवेश गरेको थियो । भैसी कस्को र कहाँबाट आयो भन्ने अहिले सम्म यकिन हुन नसकेको प्रहरीले जनाएको छ ।
