गण्डकी । अनन्त श्रीविभुषित मुक्तिनाथपीठाधिश्वर स्वामी कमलनयनाचार्य श्रीजी महाराज (श्रीमुक्तिनाथबाबा)ले साउन २९ गते मुस्ताङको कागबेनीमा आएको बाढीका कारण पीडित सर्वसाधारणलाई तत्काल राहत र नदीमा दीर्घकालीन तटबन्धको व्यवस्थाका लागि आग्रह गर्नुभएको छ ।
पोखरामा आज आयोजित पत्रकार सम्मेलनमा उहाँले उक्त दिनको बाढीका कारण ३५ वर्ष पहिलेबाट निशुल्क भोजन र आवासको सेवा प्रदान गर्दै आएको मुक्तिनाथ अन्नदान क्षेत्र कागबेनीका सम्पूर्ण भौतिक संरचनामा क्षति पुुग्नुका साथै स्थानीयवासीले ठूलो क्षति व्यहोर्नुपरेको बताउनुुभयो ।
बाढीका कारण अतिथिको भोजन आवासका लागि आवश्यक खाद्यन्न, विस्तारा, सिरक डसना, कम्बल, सय जना लागि भोजन बनाउने ठूला ठूला भाँडाहरू, ३० वटा सिलिण्डर, मन्दिरका बहुमुुल्य गहना, चाँदीका भाँडाकुुँडा लगायत सम्पूर्ण भौतिक संरचना गरी करिब पाँच करोड बराबरको क्षति भएको उहाँले जानकारी गराउनुुभयो ।
तीर्थयात्रीहरूले अहिलेसम्म प्राप्त गरेको आधार गुमाउनुुपर्दा आँफूूहरू दु:खित भएको उल्लेख गर्दै उहाँले त्यसभन्दा पनि स्थानीयवासीले सामना गर्नुपरेको दु:खले अझैं चिन्तित बनाएको बताउनुुभयो ।
विपद्को यस अवस्थामा नेपाल तीर्थस्थल विकास राष्ट्रिय समिति र अखण्डज्योतिबाबा स्वामी श्रीजी च्यारिटेवल ट्रष्टका माध्यमबाट यथासम्भव आपत्कालीन राहत उपलब्ध गराउने जानकारी गराउँदै उहाँले, “संघ प्रदेश र स्थानीय तहसँग वास्तविक पीडित बर्गहरूलाई क्षतिपूर्ति उपलब्ध गराई सो क्षेत्रमा पुन: यस प्रकारको दु:खद घटना नदोहोरिया्स् भन्नका लागि नदीमा दीर्घकालीन तटबन्धनका् कार्य समेत गरिदिन आग्रह गर्दछौं” भन्नुुभयो ।सहयोगका लागि विभिन्न व्यक्ति एवम् संस्थासँग निरन्तर समन्वय गरिरहेको उहाँले बताउनुुभयो ।
जिल्ला प्रशासन कार्यालय मुस्ताङ र स्थानीय तहसँग सम्पर्क गरी सिधै पीडितसँग पुुग्ने प्रकारले यथासम्भव सहयोग गर्न पनि उहाँले सबैसँग आग्रह गर्नुभयो ।
पत्रकार सम्मेलनमा मुक्तिनाथ सन्तसेवा आश्रम रामघाटका अध्यक्ष महेश पराजुुली, आचार्य सुदर्शन, उद्धव शर्मा लगायतले कागबेनीमा बाढीका कारण अपुरणीय क्षति भएको बताउँदै राहत तथा उद्धारका लागि सबैसँग आग्रह गर्नुुभयो । रासस
