काठमाडौँ । नेकपा (एमाले) का अध्यक्ष केपी शर्मा ओलीले सर्पले पर्यावरणीय सन्तुलनमा ठूलो भूमिका खेलेको बताउनुभएको छ ।
भक्तपुर चाँगुनारायण स्थित कालिनाग मन्दीर दर्शन गर्नु हुँदै अध्यक्ष केपी शर्मा यस्तो बताउनु भएको हो ।
सोमबार नागपञ्चमीका अवसरमा सामाजिक सञ्जाल फेसबुकमा उहाँले शुभकामना दिँदै हिन्दूहरुले सर्पलाई नाग देवताका रुपमा पूजा गर्ने गरेको बताउनुभएको छ ।
ब्रह्माण्डको ऊर्जाका आठ रुप हुन्छन् भन्दै उहाँले भन्नुभएको छ, “मानव शरीरमा पनि ब्रह्माण्डका ऊर्जा कणहरू सक्रिय हुन्छन् । हाम्रो प्राचीन शास्त्रले ब्रह्माण्डका आठ किसिमका ऊर्जालाई अष्ट नागका रूपमा व्याख्या गरेको छ। त्यही परम्परा हो नाग पञ्चमी ।”
