काठमाडौँ । नवलपरासीस्थित शाश्वत धाममा कथा वाचनको सिलसिलामा भारतका चर्चित धार्मिक गुरु बागेश्वर बाबा नेपाल आएका छन् ।
काठमाडौँ आइपुगेका उनले आज अपराह्न ४ बजे पशुपतिनाथको दर्शन गर्ने तथा काठमाडौँका धार्मिक संघ संस्थासँग भेटघाट गर्ने कार्यक्रम रहेको छ ।
यस्तै, आजै उनले प्रधानमन्त्री पुष्पकमल दाहाल प्रचण्डसँग भेटघाट गर्ने कार्यक्रम रहेको जनाइएको छ ।
भोलि उनी चौधरी समूहले निर्माण गरेको शाश्वत धाम पुग्नेछन् । त्यहाँ उनले भोलिदेखि ४ गतेसम्म हनुमान कथा वाचन गर्ने कार्यक्रम छ ।
