काठमाडौँ । उपप्रधान तथा गृहमन्त्री नारायणकाजी श्रेष्ठले भ्रष्टाचारविरूद्धको अभियानमा पछि नहट्ने बताएका छन् ।
शुक्रबार गोरखामा आयोजित एक कार्यक्रममा बोल्दै मन्त्री श्रेष्ठले सरकार अप्ठ्यारोमा परेपनि भ्रष्टाचार विरूद्धको अभियानबाट पछि नहट्ने बताए हुन् ।
मन्त्री श्रेष्ठले भ्रष्टाचारी, ठग र तस्करहरूलाई संरक्षण गर्ने तत्वहरू सलबलाउन थालेका र उनीहरू यो अभियानलाई कसरी भाँजो हाल्न सकिन्छ भन्ने षड्यन्त्र गरिरहेका बताए । ‘तस्कर र ठग, भ्रष्टाचारीका संरक्षकहरूले सरकारलाई अप्ठ्यारो पारे भनेर तैँ चुप मै चुप भएर बसौं, पहिला जे छ त्यस्तै गरी चलौं भन्ने पक्षमा सरकार छैन,’ उनले भने ।
सरकार कसैको धम्की र घेराबन्दीमा नपर्ने बताउदै मन्त्री श्रेष्ठले भने, ‘जुन बिन्दुसम्म पदमा बस्छौं देश र जनताका निम्ति प्रतिबद्ध भएर काम गर्छौं । यो अभियान हामी बिसर्जित गर्दैनौं । निरन्तर अगाडि बढाउँछौं ।’
