एजेन्सी । बलिउडका दिग्गज अभिनेता अमिताभ बच्चन हालै मुम्बईको सिद्धि विनायक मन्दिर पुगेका छन् । यस क्रममा सामाजिक सञ्जालमा धेरै भिडियो र तस्बिरहरु आएका छन् ।
भिडियोमा अमिताभ खाली खुट्टा गणपति बप्पाको आशीर्वाद लिन पुगेका छन् । ‘बिग बी’का छोरा अभिषेक बच्चनको आगामी फिल्म ‘घुमर’ को सफलताको लागि उनी पूजा गर्न गएको बताइएको छ ।
उनले बिना चप्पल कडा सुरक्षाबीच मन्दिरभित्र पूजा गरेका थिए । यसअघि अमिताभले आफ्नो ब्लगमार्फत आफ्नो छोराको आगामी स्पोर्ट्स ड्रामा फिल्म ‘घुमर’ हेरेको र यसबीचमा दुई पटक रोएको खुलासा गरेका थिए ।
अमिताभले आफ्नो ब्लगमा लेखेका छन्– ‘मैले घूमर देखेको छु, त्यो पनि लगातार दुई पटक आइतवार दिउँसो र फेरि राती । यो फिल्मबारे म केही भन्न सक्ने अवस्थामा छैन ।’
