काठमाडौँ । प्रहरीले हनी ट्र्यापमा पारी रकम असुल्ने दुई जनालाई पक्राउ गरेको छ ।
योजनाबद्ध तवरले केटीहरुको समूहलाई सामाजिक संजाल मार्फत परिचालन गरेर पिडितलाई दवाबमुलक ढंगले मोलमोलाई गरी पैसा असुल गरेको आरोपमा प्रहरीले दुई जनालाई पक्राउ गरेको हो ।
काठमाण्डौ उपत्यका अपराध अनुसन्धान कार्यलयबाट खटिएका विशेष टोलिले घटनाका योजनाकार राजु खत्रीसहित दुई जनालाई प्रकाउ गरेको हो ।
उनीहरुले केटीहरुको समूहलाई सामाजिक संजाल मार्फत परिचालन गरेर फोनको आदान-प्रदान गरी सम्पर्क समन्वय गराई केही पुरुष व्यक्तीहरुलाई प्रत्यक्ष भेटघाट गरेर झुठ्ठा मुद्दा लगाई फसाई दिने भन्दै पिडितलाई दवाबमुलक ढंगले मोलमलाई गरेको पाईएको छ । उनीहरुले पिडितबाट ४० लाख बराबरको रकम उल्लेख भएका ८ थान चेक काट्न लगाई रकम असुल गरेको प्रहरीले जनाएको छ ।
उनीहरुलाई आपराधिक लाभ लिन नहुने कसुरमा थप अनुसन्धानको लागी जिल्ला प्रहरी परिसर, भक्तपुर पठाईएको प्रहरी उपरीक्षक रविन्द्र रेग्मीले बताए । सो सम्बन्धमा थप अनुसन्धान भइरहेको छ ।
