एजेनसी । पाकिस्तानी टिमका बायाँ हाते फास्ट बलर वहाब रियाजले अन्तर्राष्ट्रिय क्रिकेटबाट सन्यास लिएका छन् । वहाबले बुधबार ट्वीट गरेर यो जानकारी दिएका हुन् । यद्यपि, ३८ वर्षीय वहाबले अझै पनि विश्वभरका टी–२० लिग खेल्न जारी राख्ने बताए ।
वहाबले पाकिस्तानका लागि ९१ एकदिवसीय, २७ टेस्ट र ३६ टी–२० अन्तर्राष्ट्रिय खेलेका छन् ।
अन्तर्राष्ट्रिय क्रिकेटको कुरा गर्दा उनले पछिल्लो पटक सन् २०२० मा न्युजिल्यान्डविरुद्ध टी–२० खेल खेलेका थिए । हालै पाकिस्तान बोर्डले एसिया कप २०२३ को लागि टोली घोषणा गरेको थियो, जसमा वहाबको नाम समावेश गरिएको थिएन ।
रियाजले सन् २००८ मा पाकिस्तानका लागि डेब्यु गरेका थिए । आफ्नो करियरमा उनले २७ टेस्ट, ९१ एकदिवसीय र ३६ टी–२० अन्तर्राष्ट्रिय खेले । सन् २०२० मा उनले अन्तिम पटक पाकिस्तानबाट टी–२० खेल्ने मौका पाएका थिए ।
उनले टेस्टमा ८३, एकदिवसीयमा १२० र टी–२० मा ३४ विकेट लिएका छन् । वहाबले अन्तर्राष्ट्रिय क्रिकेटमा १२०० रन बनाएका छन् । उनले कुल २३७ अन्तर्राष्ट्रिय विकेट लिएका छन् ।
