काठमाडौं । मोटरसाइकलको ‘ब्रेक सु’ भित्र लुकाएर ल्याइएको तस्करीको सुन ६० केजी ७१६ ग्राम मात्रै रहेको छ ।
नेपाल राष्ट्र बैंकको टक्सार महाशाखामा सरोकारवाला निकाय र सुरक्षा निकायका प्रतिनिधिको रोहबरमा गालेर जोखिएको सुन ६० केजी ७१६ ग्राम भएको हो ।
यसअघि हिजो ब्रेक सुबाट छुट्याइएको सुन जोख्दा ६० किलो ७८९ ग्राम भएको थियो ।
अब सुनको गुणस्तर र आर्थिक परीक्षणको काम थालिने टक्सर महाशाखाका प्रमुख थानेश्वर आचार्यले जानकारी दिए । त्यसका लागि केही दिन लाग्ने र त्यसपछि मात्रै सुन कति छ र कुन गुणस्तरको हो भनेर पत्ता लाग्ने उनले बताए ।
राजस्व अनुसन्धान विभागले यही साउन ३ गते सिनामङ्गलस्थित भन्सार कार्यालय अगाडिबाट सुनसहितको एक सय ५५ किलो ‘ब्रेक सु’ बरामद गरेको थियो ।
