एजेन्सी । शुक्रबारबाट प्रदर्शनमा आएको सुपरस्टार रजनीकान्तको फिल्म ‘जेलर’ले भारतमा १५० करोडको कलेक्सन पूरा गर्ने बाटोमा छ ।
एक रिपोर्ट अनुसार, फिल्मले आइतबार भारतभर ३८ करोड कलेक्सन गरेको छ । यो तमिल फिल्म हिन्दी, तेलुगु, मलयालम र कन्नड भाषामा डब गरिएको छ । सबै भाषाको कुरा गर्ने हो भने जेलरले भारतमा अहिलेसम्म १४६.४ करोड कमाइसकेको छ ।
विश्वव्यापी कलेक्शनको कुरा गर्ने हो भने फिल्मले करिब २२२.१ करोड कमाएको छ र चाँडै नै फिल्मले ३०० करोड क्लबमा आफ्नो स्थान बनाउनेछ । फिल्मले आफ्नो ओपनिङ डेमा करिब ४८.३५ करोड कमाएको थियो ।
रजनीकान्तको फिल्मको भारतभर ९३ लाख टिकट बिक्री भइसकेको छ । जहाँ सनी देवलको फिल्म ‘गदर २’ रिलिज भएपछि मात्र ३ दिनमा ७० लाख टिकट बिक्री भएको थियो । अगस्ट १० देखि अगस्ट १३ सम्म देशभरका करिब २ करोड १० लाख मानिस फिल्म हेर्न सिनेमा हल पुगेका थिए । सन्नी देवल र रजनीकान्तको फिल्मले चार दिनमा करिब ४०३ करोड कलेक्सन गरेको छ ।
निर्देशक नेल्सनको फिल्म जेलरमा रजनीकान्त टाइगर मुथुवेल पाण्डियनको भूमिकामा छन् । फिल्ममा टाइगरले एउटा समूहलाई रोक्न खोज्छ जसको उद्देश्य कुनै पनि हालतमा आफ्नो नेतालाई जेलबाट बाहिर निकाल्ने हो । फिल्ममा राम्या कृष्णन, तमन्ना भाटिया, विनायकन, योगी बाबु, मोहनलाल र ज्याकी श्राफको पनि अभिनय रहेको छ ।
