• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   विद्यार्थी भिसामा अस्ट्रेलियाको थप कडाइ ★   राष्ट्रपति पौडेल र स्वीट्जरल्यान्डका समकक्षीबीच भेटवार्ता ★   बुर्तिवाङ स्वास्थ्य केन्द्र ५० शय्याको अस्पतालमा स्तरोन्नति हुँदै ★   खेलले जाेडेकाे नेपाली मन ★   भारत टी–२० विश्वकपको सुपर ८ मा प्रवेश, १११ रनको लक्ष्य १८.२ ओभरमा पछ्यायो ★   गणतन्त्रपछि विकासका बहुआयामिक द्वार खुलेका छन्ः पूर्वप्रधानन्यायाधीश श्रेष्ठ ★   दुर्लभ चराको बासस्थान बन्यो रेसुङ्गा र मदाने ★   “डिजिटल रूपान्तरणलाई अँगाल्दै” आइएमई २४ औ वर्षमा प्रवेश ★   ‘रोड थ्रिलर’ विधामा बन्यो ‘बाटोः रोड टु डेथ’ ★   काठमाडौं महानगरपालिका गर्यो सिंहदरबारभित्रबाट चार बालश्रमिकको उद्धार

डुरान्ड कपः आर्मी भारतको चेन्नाइयीनसँग पराजित



काठमाडौँ । त्रिभुवन आर्मीले एफसी डुरान्ड कप फुटबलमा आफ्नो दोस्रो खेलमा पराजय बेहोरेको छ ।

गुहावाटीस्थति इन्दिरा गान्धी एथ्लेटिक स्टेडियममा सोमबार भएको खेलमा ए डिभिजन क्लब आर्मी भारतको आइएसएल क्लब चेन्नाइयीन एफसीसँग ३–० ले पराजित भएको हो ।

चेन्नाइयीनले पहिलो हाफमा दुई र दोस्रो हाफमा १ गोल गर्यो ।

फारुख चौधरीले २२औं मिनेटमा गोल गर्दै चेन्नाइयीनलाई सुरुवाती अग्रता दिलाएका थिए भने रहिम अलीले ४०औं मिनेटमा पेनाल्टीमार्फत गोल गरी अग्रता दोब्बर पारे । यस्तै, ८४औं मिनेटमा ब्राजिलियन खेलाडी राफेल क्रिभेलारोले चेन्नाइयीनका लागि तेस्रो गोल गरे ।

समूह ई मा आर्मीको यो पहिलो हार हो । पहिलो खेलमा आर्मीले दिल्ली एफसीसँग १–१ को बराबरी खेल्दै अंक बाँडेको थियो ।

लगातार दोस्रो खेलमा जित निकालेको चेन्नाइयीन समूहको एक खेल खेल्नुअघि नै क्वाटरफाइनलमा प्रवेश गरेको छ । दुई जितबाट ६ अंक जोडेको चेन्नाइयीन समूह विजेता बन्ने पक्का छ । दुई खेलपछि दिल्लीको २ तथा आर्मी र हैदरादको समान १ अंक छ ।

अब आर्मीले समूहको अन्तिम खेल अगष्ट २२ मा हैदरवादसँग खेल्नेछ ।

प्रतियोगितामा सहभागि २४ टोलीलाई ६ समूहमा विभाजन गरिएको छ । जसमा हरेक समूहको विजेता ६ टिम र दोस्रो हुनेमध्ये उत्कृष्ट २ टिमले क्वाटरफाइनलमा स्थान बनाउनेछन् ।