काठमाडौं । नेपाली नागरिकलाई भुटानी शरणार्थी बनाई अमेरिका लैजाने गिरोह बिरुद्ध १८ जना पीडितहरुबाट करिव १ करोड ८५ लाख ९२ हजार भन्दा बढी ठगी गरेको भनि ३ वटा छुट्टा छुट्टै किटानी जाहेरी दर्ता गराएका छन् ।
काठमाण्डौ उपत्यका अपराध अनुसन्धान कार्यालयका अनुसार काठमाण्डौंमा सानु भण्डारी, केशव दुलाल समेतको संयुक्त मिलेमतोमा बिभिन्न नेपाली नागरिकलाई भुटानी शरणार्थी बनाई अमेरिका लैजान्छु भनि बिभिन्न किसिमका प्रलोभन र बिश्वासमा पारी लमजुङ, सुनसरी, सिन्धुपाल्चोक, गोरखा, ललितपुर, चितवन, काठमाण्डौ लगायतका जिल्लाहरुका १८ जना पीडितहरुबाट करिव १ करोड ८५ लाख ९२ हजार भन्दा बढी ठगी गरेको भनि ३ वटा छुट्टा छुट्टै किटानी जाहेरी दरखास्त परेको छ ।
प्रहरीका अनुसार सक्कल जाहेरी दरखास्त लगायतका कागजातहरु आवश्यक अनुसन्धान तथा कारबाहीको लागि जिल्ला प्रहरी परिसर टेकु, काठमाण्डौ पठाईएको छ ।
