एजेन्सी । बलिउडका महानायक अमिताभ बच्चन हाल ‘कौन बनेगा करोडपति’को १५ औं सिजनको सुटिङमा व्यस्त छन् । मेगास्टारले २० वर्षदेखि लगातार शो होस्ट गर्दै आएका छन् ।
हालै अमिताभका छोरा अभिषेक बच्चनले पनि उनको काम गर्ने शैलीको तारिफ गरेका छन् । वास्तवमा अमिताभले २ दशकभन्दा बढी समयदेखि टेलिभिजन गेम शो कौन बनेगा करोडपति होस्ट गर्दै आएका छन् । ‘बिग बी’का लागि पनि यो शो सधैं विशेष रह्यो ।
ह्युमन्स अफ बम्बेलाई दिएको एक अन्तर्वार्तामा अभिषेकले भने, ‘मेरो बुबा आजकल केबीसीको सुटिङमा व्यस्त हुनुहुन्छ । यो सत्य हो कि ८१ वर्षको उमेरमा पनि उहाँले हप्ताको ६ दिन काम गरिरहनु भएको छ । यो मेरो लागि अचम्मको कुरा हो ।’
अभिषेकले दिनभरि शोको शुटिङ सकेर बुबा अमिताभ ११ बजे घर फर्कने गरेको बताए । अभिषेकका अनुसार अमिताभ आराम लिनुको सट्टा, आफ्नो ब्लग लेख्ने र ट्विटरमा मानिसहरूलाई जवाफ दिन जारी राख्छन् ।
