काठमाडौँ । नेकपा (एमाले)का अध्यक्ष केपी शर्मा ओलीले एमाले सरकारमा जाने खेलमा नरहेको बताएका छन् ।
पार्टी मुख्यालय च्यासलमा आयोजित पत्रकार सम्मेलनमा बोल्दै अध्यक्ष ओलीले जनमानसबीच एमाले सरकारमा जाने दाउमा रहेको आशंका पैदा भइरहेको भन्दै एमालेलाई सरकारको भन्दा देशको चिन्ता रहेको बताए ।
अध्यक्ष ओलीले भने – ‘सुन तस्करीको हल्ला चलाएर एमाले सरकारमा जान खोजेको त होइन भन्ने हल्ला छ । तर, एमालेलाई सरकारमा रुची होइन । चिन्ता सरकारको होइन देशको हो ।’
उनले अगाडि भने ‘एमालेले सत्तामोह छैन । सत्तातर्फ हेर्नुपनि छैन । तर, यसको अर्थ सरकारले जे गरेपनि हुन्छ भन्ने कुरा चल्दैन । सरकारलाई जे पनि गर्न छुट छैन ।’
