काठमाडौँ । राष्ट्रिय परीक्षा बोर्डले कक्षा १२ को नतिजा प्रकाशनको अन्तिम चरणमा पुगेको बताएको छ ।
बोर्डले नतिजासम्बन्धि सम्पूरण काम सकिएकोले अब प्राविधिक टिमसँग छलफल गरेर नतिजा प्रकाशनबारे निर्णय गरिने बताएको हो ।
बोर्डका अध्यक्ष डा.महाश्रम शर्माले टेक्निकल काम मात्र बाँकि रहेकोले चाडै छलफल गरेर यहि महिनामा नतिजा प्रकाशन गर्ने बताए । उनले भने, ‘लगभग सबै कुरा सकिएको छ । अब टेक्निकल कुरा बाँकी छ । शैक्षिक क्यालेण्डरमा यो महिनाको अन्तिम भित्रमा नतिजा प्रकाशन गर्ने भन्ने पनि छ । त्यही भएर यो महिनाभरमा निकाल्छौं ।’
गत वैशाख २६ देखि जेठ ५ गतेसम्म भएको कक्षा १२को परीक्षामा ४ लाख ६७ हजार ३८९ जना परीक्षार्थी सहभागि भएका थिए ।
