• १० असार २०८१, सोमबार
  •      Mon Jun 24 2024
  •   Unicode
Logo

प्रिमियर लिगः सिटीको सानदार सुरुवात



एजेन्सी । साविक विजेता म्यान्चेस्टर सिटीले इंग्लिस प्रिमियर लिग फुटबल अन्तर्गत विजयी सुरुवात गरेको छ ।

गएराति भएको प्रिमियर लिगको पहिलो खेलमा सिटीले बर्नलेलाई उसकै घरेलु मैदानमा ३–० गोलले पराजित गरेको हो ।

सिटीको जितमा एर्लिङ हालाण्डले दुई तथा रोड्रीले एक गोल गरे । खेलको चौंथो मिनेटमा नै हालाण्डले गोल गर्दै सिटीलाई सुरुवाती अग्रता दिलाएका थिए । उनलाई रोड्रीले पास उपलब्ध गराए ।

३६ औं मिनेटमा हालाण्डले व्यक्तिगत तथा टोलीका लागि दोस्रो गोल गर्दै सिटीको अग्रता दोब्बर पारे । युलियन अल्भारेजको पासमा उनले गोल गरे । ७५ औं मिनेटमा रोड्रीले गोल गर्दै सिटीलाई ३–० को जित दिलाए ।

सिटीले पहिलो खेलबाट ३ अंक जोडेको छ । यता नवप्रवेशी बर्नले भने हारबाट लिगको सुरुवात गरेको छ ।