एजेन्सी । प्रिमियर लिग क्लब टोटेनहमका कप्तान ह्यारी केन जर्मन लिग च्याम्पियन बायर्न म्युनिखमा आबद्ध हुन तयार भएका छन् ।
टोटेनहमले मेडिकल जाँचका लागि केनलाई जर्मनीको भ्रमण गर्न अनुमतिसमेत दिएको छ ।
स्पर्समा एक वर्ष सम्झौता बाँकी रहेका केनका लागि बायर्नले एक सय मिलियन युरोभन्दा बढी खर्चन तयार भएको बताइएको छ । उनले बायर्नमा चार वर्षको सम्झौता गर्न सक्नेछन् ।
३० वर्षीय केन टोटेनहमका सर्वकालीन सर्वाधिक गोलकर्ता हुन् । उनले ४३५ खेलमा २८० गोल गरेका छन् । साथै, उनी प्रिमियर लिग इतिहासमै सर्वाधिक गोलकर्ताको दोस्रो नम्बरमा रहेका छन् । उनले ३२० खेलमा २१३ गोल गरेका छन् ।
