काठमाडौँ । नेपाली कांग्रेसका सांसद ज्ञानेन्द्रबहादुर कार्कीले नक्कली शैक्षिक प्रमाणपत्र प्रकरणमा पक्राउ परेका सांसद डा. सुनिल शर्माको बचाउमा उत्रिएका छन् ।
शुक्रबार बसेको कांग्रेस संसदीय दलको बैठकमा पूर्वअर्थमन्त्रीसमेत रहेका कार्कीले सांसद शर्माले कुनै हत्या नगरेकाले बाहिरै बसेर मुद्दा लड्न पाउनुपर्ने बताए ।
उनले भने ‘सांसद शर्माले कुनै हत्या गर्नुभएको छैन । उहाँले बाहिर बसेर मुद्दा लड्न पाउनुपर्छ ।’
यस्तै, सांसद कार्कीले सांसद शर्मालाई जस्तै एक–एक गरेर कांग्रेसको संख्या घटाउनेतर्फ अन्य दलहरू लाग्ने निश्चित रहेको समेत बताए ।
