४ आश्विन २०८१, शुक्रबार
,
Latest
प्यालेस्टिनबाट इजरायल हट्नुपर्ने प्रस्ताव राष्ट्रसंघबाट पारित, नेपाल तटस्थ बागलुङका स्वास्थ्य संस्थामा डेङ्गी परीक्षण किट अभाव धार्मिक तथा पर्यटकीय सम्पदाको प्रचारप्रसार गर्न ‘हेटौँडा सम्पदा यात्रा’ संविधान जारी भएपछि प्रदेशमा थुप्रै उपलब्धिहरू भएका छन् : मुख्यमन्त्री लामा चौथो नेपालगञ्ज फोटो फेस्टिबलका लागि फोटो आह्वान सुनसान ‘रिहार’ धाम उपल्लो मुस्ताङको पर्यटन विकासमा अर्धनिषेधित क्षेत्रको तगारो देशभर मनसुनी वायुको प्रभाव कायम प्रधानमन्त्री ओली आज अमेरिका जाँदै, १० गते महासभालाई सम्बोधन बार्सिलोना मोनाकोसँग पराजित, आर्सनल र एटलान्टाको बराबरी
×
Ad Image 1
Ad Image 2
Ad Image 3
Ad Image 4
Ad Image 5
Ad Image 6
तपाईं के खोज्दै हुनुहुन्छ ?

अब कोही नेपाली पैसाको अभावमा उपचार नपाएर मर्नु पर्दैन: मन्त्री बस्नेत



file:rss
अ+ अ-

काठमाडौँ । स्वास्थ्य तथा जनसङ्ख्यामन्त्री मोहनबहादुर बस्नेतले कोही पनि नेपाली पैसाको कारणले उपचारको अभावमा नमर्ने बताउनुभएको छ ।

शुक्रवार मन्त्रालय सम्हालेको सय दिन पूरा भएको अवसरमा आयोजित कार्यक्रममा बोल्दै मन्त्री बस्नेतले कोही पनि नेपाली पैसाको कारण उपचारको अभावमा नमर्ने बताउनुभएको हो ।

उहाँले अब एकजना मान्छेपनि पैसा नभएको कारणले अस्पतालको बरण्डामा आत्महत्या गर्नु नपर्ने बताउनु भयो । उहाँले उपचारको अभावमा कसैले पनि बाटो र घरमा मर्नु नपर्ने भन्दै सरकारले जसरी पनि उपचार गर्ने बताउनु भयो । मन्त्री बस्नेतले स्वास्थ्य मन्त्रालय मन्त्रालयजस्तो नभई अस्पतालजस्तो भइरहेको पनि बताउनु भयो । उहाँले द्वन्द्वकालका घटनामा घाइते भएकाहरुको उपचारको जिम्मा स्वास्थ्य मन्त्रालयलाई दिन प्रधानमन्त्रीलाई आग्रह गर्नुभयो । द्वन्द्वकालका घाइतेहरुको उपचार गर्न मन्त्रालय तयार रहेको उहाँको भनाई छ ।

उहाँले भन्नुभयो – ‘हामीभित्र भएका बुद्धि, सीप, साधनलाई सक्रिय बनाएर अब नेपालमा प्रधानमन्त्रीज्यु, हजुरकै पालामा अब एकजना मान्छेपनि पैसा नभएको कारणले हस्पिटलको बरण्डाबाट आत्महत्या गर्नुपर्दैन । बाटामा मर्नुपर्दैन । घरमा मर्नुपर्दैन । हामी जसरी पनि गर्छौं र अहिले गरिरहेका छौँ । स्वास्थ्य मन्त्रालय मन्त्रालय भन्दापनि एउटा ठूलो अस्पतालजस्तो भइराखेको छ । दिनमै १२/१५ जना बिरामी आइरहन्छन् ।

म प्रधानमन्त्रीज्युलाई निवेदन गर्न चाहन्छु, द्वन्द्वका बेलामा घाइते भएकाहरुको अझैपनि उपचार आइसकेको छैन । हामीले केही मान्छेहरुलाई बोलाएर गरिरहेका छौँ । यसले चाँडोभन्दा चाँडो निर्णय गरेर हामीलाई जिम्मा लगाइदिनुस् । हामी गर्छौं । समस्या समाधान गर्ने र राज्यले घोषणा गरेको वा संविधानमा व्यवस्था गरेको जनताको आधारभुत स्वास्थ्य सेवालाई हामी जसरी पनि व्यवस्थापन गर्छौं । फेरि दोहोर्‍याउन चाहेँ । कोही नेपाली पैसा नभएको कारणले अब उपचार गर्न नपाएर मर्दैन । त्यसको जिम्मा स्वास्थ्य मन्त्रालयले लिन्छ ।’

मन्त्री बस्नेतले सरकारी अस्पतालहरुमा बिरामीको चाप बढ्न थालेको बताउनु भयो । उहाँले अस्पताल, फार्मेसी र मेडिकल कलेजहरुलाई निरन्तर अनुगमन गरिरहेको उल्लेख गर्दै सबै ठाउँहरुमा सुधार आइरहेको बताउनु भयो । अस्पतालहरुले १० प्रतिशत नि:शुल्क उपचार गराउने प्रवन्धलाई पनि लागू गर्न सफल भएको उहाँको भनाई छ ।

मन्त्री बस्नेतले स्वास्थ्यकर्मीहरु दुर्गम ठाउँमा पनि सेवा दिन जान थालेका बताउनु भयो ।