काठमाडौं । उपप्रधान तथा गृहमन्त्री नारायणकाजी श्रेष्ठले संसद विघटन वा अवरोध गर्ने थलो नभएको बताएका छन् । मंगलबार प्रतिनिधिसभाको बैठकमा प्रमुख प्रतिपक्षी दल नेकपा एमालेले सुन प्रकरणमा उठाएको प्रश्नको जवाफ दिँदै यस्तो बताएका हुन् ।
‘संसद विघटन वा अवरोधको लागि होइन । वादविवाद, संवाद र जनताको आजावलाई मुखरित गर्दै राष्ट्रलाई निकास दिने थलो हो ।,’ गृहमन्त्री श्रेष्ठले भने,’यसलाई गम्भिरतापूर्वक मनन गरी सांसदहरुले आफ्नो कुरा राख्ने र मैले सरकारको धारणा राख्दैछु ।’
उनले आगामी दिनमा संसद् निरन्तर सञ्चालन हुने विश्वास व्यक्त गरे। उनले राजनीतिक क्षेत्रको उपलब्धि राजनीतिक परिवर्तन मात्र नभएर जनतालाई आफ्नो जीवन परिवर्तनको अनुभूति दिलाउने हुनुपर्नेमा जोड दिए ।
