काठमाडौँ । रोल्पाबाट दाङको घोराहीतर्फ आउँदै गरेको बस दुर्घटना हुँदा १५ यात्रु घाइते भएका छन् ।
घाइतेमध्ये ३ जनाको अवस्था गम्भीर छ । मंगलबार दिउँसो १ बजे त्रिवेणी गाउँपालिका–७ को तिलाभन्दा करिब ३ किलोमिटर टाढा बस दुर्घटनामा परेको हो।
प्रहरीका अनुसार घाइते १० पुरूष र पाँच महिलाको उद्धार गरी स्थानीय मेडिकल र स्वास्थ्य चौकीमा उपचारका लागि पठाइसएिको छ । घाइतेमध्ये ३ जनाको अवस्था गम्भीर छ।
घाइतेलाई प्रारम्भिक उपचारका लागि स्थानीय स्वास्थ्य चौकी र मेडिकलमा पठाइए पनि थप उपचारका लागि दाङको घोराही वा जिल्ला अस्पतालमा पठाउने भन्नेबारे छलफल भइरहेको बताइएको छ ।
प्रहरीका अनुसार रोल्पा बागमाराबाट घोराहीका लागि छुटेको ना ५ ख २६१२ नम्बरको बस शहीद मार्गअन्तर्गत सडकबाट करिब ९० मिटर तल खसेको थियो ।
सवारी चालक फरार रहे पनि दिउँसो २ बजे सशस्त्र प्रहरीको सम्पर्कमा पुगेको बताइएको छ । वर्षाले सडक चिप्लो भएकाले दुर्घटना भएको अनुमान प्रहरीको छ।
