काठमाडौं । अबरुद्ध संसद बैठक सुचारु गर्ने बिषयमा प्रमुख तीन दलका शीर्ष नेताबीच छलफल हुदैछ ।
आज बिहान सिंहदरबार स्थित प्रधानमन्त्री कार्यलयमा तीन दलका शीर्ष नेता बिच छलफल हुन लागेको हो । प्रमुख प्रतिपक्षदल नेकपा एमालले सुन तस्करीका बिषयमा छानबिन गर्न उच्चस्तरीय आयोग गठनको माग राख्दै संसद सुचारु हुन दिएको छैन ।
सरकारले भने राजस्व अनुसन्धान बिभागले यस प्रकरणमा छानबिन गरिरहेका कारण अर्को छानबिन समिति आवश्यक नभएको जनाउदै आएको छ । सरकारले आईतबार भने सुन तस्कारीको बारेमा केन्द्रीय अनुसन्धान ब्युरो (सिआइबी)ले छानबिन गर्ने निर्णय गर्दै हाल सम्मको अनुसन्धानको बिबरण उपलब्ध गराएको छ । सिआइबीले छानबिन गर्ने अवस्थामा आएका कारण अबरुद्ध संसद सुचारु हुन सक्ने नेकपा एमालेका एक नेताले जानकारी दिनुभयो ।
सुन तस्करीको छानबिन र अबरुद्ध संसद सुचारुबारे आईतबार प्रधानमन्त्री पुष्पकमल दाहाल र एमाले अध्यक्ष केपी ओली बिच टेलिफोन सम्बाद समेत भएको थियो ।
