काठमाडौं: न्यूजील्यान्डको वेलिङटनमा जारी महिला विश्वकप फुटबल अन्तर्गत आज भएको खेलमा जापानले नर्वेलाई ३–१ गोलले पराजित गरेको छ ।
यो जितसँगै जापान क्वाटरफाइनलमा प्रवेश गरेको छ । अब क्वाटरफाइनलमा जापानको भिडन्त डिफेन्डिङ च्याम्पियन संयुक्तराज्य अमेरिका र स्वीडेनबीचको खेलको विजेतासँग हुनेछ ।
निकै प्रतिस्पर्धात्मक आजको खेलमा जापानले नियमित अन्तरालमा गोल गरेर नर्वेमाथि निरन्तर दबाब दिएको थियो ।
जापानलाई पहिलो गोल १५औं मिनेटमा नर्वेले आत्मघाती रुपमा प्राप्त गरेको थियो । नर्वेली खेलाडी एंगेनले आत्मघाती गोल गरेकी थिइन् । तर लगत्तै २० औं मिनेटमा रिटेनले नर्वेका लागि गोल गरेर स्कोर बराबरी गरेकी थिइन् ।
जापानका लागि ५० र ८१ मिनेटमा क्रमश: शिमिजु र मियाजावाले गोल गरेर जित सुनिश्चित गरेका थिए ।
मियाजावाले यो सहित यस विश्वकपमा पाँच गोल गरिसकेकी छिन् । जापानले यसअघि सन् २०११ मा विश्वकप फुटबल जितेको थियो ।
