काठमाडौं । नेपाली राष्ट्रिय क्रिकेट टोली स्वदेश फर्किएको छ । श्रीलंकामा भएको इमर्जिङ टिम्स एसिया कपमा सहभागिता जनाएर क्रिकेट टोली बिहीवार स्वदेश फर्किएको हो ।
क्रिकेट टोलीलाई त्रिभुवन विमानस्थलमा क्यानका पदाधिकारीले स्वागत गरेका थिए ।
राष्ट्रिय क्रिकेट टीमका कप्तान रोहित पौडेलले उक्त प्रतियोगिताबाट राम्रो अनुभव हासिल भएको बताए । नेपाली टीमले ब्याटिङमा ध्यान दिनुपर्ने देखिएको भन्दै पछिल्ला अनुभवले आगामी एसिया कपमा धेरै मद्दत पुग्ने उनको विश्वास छ ।
श्रीलंकामा रहँदा नेपाली टीमले केहि अभ्यास खेल समेत खेलेको थियो ।
