विराटनगर । कोशी प्रदेशका नवनियुक्त मुख्यमन्त्री उद्धव थापाको शपथग्रहण सरेको छ । बुधबार बिहान १०:३० बजेलाई तय भएको शपथग्रहण कार्यक्रम अपराह्न ५ बजे हुने भएको हो ।
दलहरुको बैठक नसकिएको र मन्त्री तथा मन्त्रालयको टुंगो लगाउन समय लाग्ने भएपछि शपथग्रहण सारिएको बताइएको छ । शपथग्रहण गरेसँगै मुख्यमन्त्री थापाले आजै मन्त्री परिषद् विस्तार गर्ने तयारी गरेका छन् ।
थापालाई प्रदेश प्रमुख परशुराम खापुङ्गले मंगलबार कोशी प्रदेशको मुख्यमन्त्री नियुक्ती गरेका थिए ।
