सिरहा। सिरहामा कोरोना संक्रमणबाट एकजना चिकित्सकको मृत्यु भएको छ । ३५ वर्षीय डा. मुकेश चौधरी डाइनोष्टिक सेन्टरमा सेवा दिने क्रममा संक्रमित भएका हुन् ।
लहान नगरपालिका वडा-६ घर भएका अर्थोपेडिक विशेषज्ञ लहानमा डाइनोष्टिक सेन्टर सञ्चालन गर्दै आएका थिए । लहान नगरपालिकाका स्वास्थ्य शाखा संयोजक रामसुन्दर यादवको अनुसार डा. चौधरी कोरोना संक्रमित भई ९ दिनदेखि होम आइसोलेसनमा बस्दै आएका थिए ।
सोमबार साँझ उपचारका लागि विराटनगरस्थित विराट नर्सिंङ लगेको केही बेरमै उनको मृत्यु भएको यादव बताउनुभयो ।
