काठमाडौं । गृहमन्त्री एवम् नेकपा (एमाले) का नेता रामबहादुर थापा ‘बादल’ वरिष्ठ नेता माधकुमार नेपाललाई भेट्न उनको निवास पुगेका छन् । राष्ट्रियसभाको उपनिर्वाचनमा आफूलाई मत माग्न कोटेश्वरस्थित नेपाल निवास पुगेका हुन् ।
६ जेठमा हुन गइरहेको वागमती प्रदेशतर्फको रिक्त राष्ट्रियसभाको उपनिर्वाचनमा थापा एमालेबाट उम्मेदवार छन् । पछिल्लो समय संस्थापन पक्षसँग वार्तामा रहेको नेपाल पक्ष राष्ट्रियसभाको उपनिर्वाचनमा कसको पक्षमा उभिन्ने भने विषय प्रष्ट पारेको छैन ।
पार्टी विवाद समाधानका लागि संस्थापन पक्षसँग संवाद शुरू हुनुअघि नेपाल पक्षले नेपाली कांग्रेस, माओवादी केन्द्र लगायतका विपक्षीसँग मिलेर खिमलाल देवकोटालाई उम्मेदवारका रुपमा अगाडि सारेको थियो ।
एमाले एक भएको खण्डमा थापाले जित्ने निश्चित छ । थापाका पक्षमा मतदान गर्न महासचिव ईश्वर पोखरेलले ह्वीप जारी गरेका छन् ।
