घरको उत्तर दिशामा राख्नुहोस् यी चिज, कुबेर देव प्रसन्न भएर समृद्धिको आशीर्वाद दिनेछन्

एजेन्सी । धन प्राप्तिका लागि कुबेर देवको पूजा गरिन्छ । अर्कोतर्फ घरको उत्तर दिशालाई कुबेर भगवानको वासस्थान मानिन्छ । धनको देवता कुबेरको आशीर्वाद प्राप्त गर्ने व्यक्तिको जीवनमा आर्थिक समस्या नपर्ने जनविश्वास रहेको छ । वास्तुमा कुबेर देवलाई प्रसन्न गर्ने केही उपाय बताइएका छन् । यसो गर्दा पैसाको समस्या झेल्नु पर्दैन ।

घरमा राख्नुहोस् कुबेर यंत्र
वास्तुशास्त्र अनुसार उत्तर दिशालाई भगवान कुबेरको दिशा मानिन्छ । त्यसैले यस दिशालाई वास्तु दोषबाट मुक्त राख्न घरको उत्तरी भित्तामा कुबेर यंत्र राख्नुपर्छ । यसका साथै गोमती चक्रलाई रातो कपडामा बाँधेर घरमा राख्दा शुभ फल प्राप्त हुन्छ ।

कुन दिशामा हुनुपर्छ पैसा राख्ने कन्तुर ?
वास्तुशास्त्रका अनुसार घरमा तिजोरी (पैसा राख्ने कन्तुर) लाई यसरी राख्नुहोस् कि यसको ढोका सधैं उत्तर दिशामा परोस् । यसो गर्नाले भगवान कुबेरको आशीर्वाद अवश्य प्राप्त हुन्छ । यसका साथसाथै लक्ष्मी माता पनि तपाईंमाथि प्रसन्न हुनुहुनेछ ।

घरमा धातुको कछुवा राख्नुहोस्
वास्तुशास्त्रमा धातुको कछुवालाई निकै शुभ मानिएको छ । यसलाई उत्तर दिशा राख्नु उत्तम मानिन्छ । यस उपायले कुबेर देवको आशीर्वाद प्राप्त हुन्छ । जसले गर्दा परिवारका सदस्यको आम्दानी बढ्छ । यसका साथै घरमा धातुको कछुवा राख्नाले वास्तु दोषको पनि अन्त्य हुन्छ ।

एक्वैरियम राख्नु शुभ हुन्छ
वास्तुशास्त्रका अनुसार तपाईको घरलाई सधैं सफा र व्यवस्थित राख्नुपर्छ, ताकि ऊर्जाको प्रभाव स्वतन्त्र रूपमा गर्न सकोस् । साथै घरको उत्तर दिशामा एक्वैरियम राख्न सकिन्छ । यसो गर्दा पनि घरमा सकारात्मक उर्जा कायम रहन्छ ।