काठमाडौं । नेकपा (एमाले) पार्टीभित्रको आन्तरिक विवाद समाधानका लागि गठित १० सदस्यीय कार्यदलको पहिलो बैठक आज बस्दैछ ।
उक्त कार्यदलमा ओली पक्षबाट सुवास नेम्वाङ, शंकर पोखरेल, विष्णु पौडेल, प्रदीप ज्ञवाली र विष्णु रिमाल छन् चने नेपाल पक्षबाट डा. भीम बहादुर रावल, रघुजी पन्त, घनश्याम भुषाल, गोकर्ण विष्ट र सुरेन्द्र पाण्डे छन् ।
पार्टीलाई ०७५ जेठ २ गते फर्काउनुपर्ने अडान नेपाल पक्षले राखेको छ । यसमा ओली पक्ष सहमत भैसकेको छैन । अध्यक्ष ओली र नेता नेपालले तीन दिनको समयसिमा दिएर विवाद समाधान गर्न कार्यदललाई भनेका छन् ।
कार्यदलका सदस्यहरु भीम रावल र शंकर पोखरेल आजको बैठकमा सहभागी नहुने बताइएको छ । नेपाल पक्षका नेता रावलको आँखामा समस्या भएकोले आजको बैठकमा नजाने बुझिएको छ । यता ओली पक्षका नेता पोखरेल भने कामविशेषले यतिवेला दाङमा रहेकाले उपस्थित नहुने बताइएको छ ।
