काठमाडौं । नेपालमा थप ८२०३ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा देशभरका प्रयोगशालाहरुमा गरिएको परीक्षणमा उक्त संख्यामा संक्रमित पाइएको हो ।
यस्तै मंगलबार कोरोना संक्रमणबाट मृत्यु हुनेको संख्या १९६ रहेको छ ।
स्वास्थ्य मन्त्रालयले दिएको जानकारी अनुसार पछिल्लो २४ घण्टामा देशभरका प्रयोगशालामा २० हजार २८६ पिसिआर र ६९३ एन्टिजेन परीक्षण गरिएको थियो । थपिएका संक्रमितसँगै नेपालमा कुल संक्रमितको संख्या ४ लाख ७२ हजार ३५४ पुगेको छ ।
मन्त्रालयका अनुसार पछिल्लो २४ घण्टामा ६ हजार ८९१ संक्रमणमुक्त भएका छन् । योसँगै निको हुनेको संख्या ३ लाख ५२ हजार ४१४ पुगेको छ । कोरोनाबाट नेपालमा हालसम्म ५ हजार ४११ जनाको निधन भएको छ ।
