काठमाडौँ । नेकपा एमालेका अध्यक्ष केपी शर्मा ओली र प्रधानमन्त्री पुष्पकमल दाहाल प्रचण्डबीच बालुवाटार भेटवार्ता भएको छ ।
संवैधानिक परिषद् बैठक बोलाउने तयारी भइरहेका बेला अध्यक्ष ओली र प्रधानमन्त्री दाहालबीच भेटवार्ता भएको हो।मंगलबार ४ बजे परिषद्को बैठक आब्हान गरिएको छ ।आइतबार पनि उहाँहरु बीच भेटवार्ता भएको थियो ।
हालका प्रधानन्यायाधीश हरिकृष्ण कार्की साउन १९ गते उमेरहदका कारण अवकाश हुदै हुनुहुन्छ । अवकाश हुनुभन्दा एक महिना अगाडि नै प्रधानन्यायाधीश नियुक्तिका लागि सिफारिस गरिसक्नुपर्ने संवैधानिक व्यवस्था भएपनि प्रधानमन्त्री अध्यक्ष रहने संवैधानिक परिषदले अहिलेसम्म प्रधानन्यायाधीश नियुक्तिका लागि सिफारिस गरेको छैन ।
जसका कारण फेरि सर्वोच्च कामूको भरमा चल्ने वातावरण सिर्जना भइरहेको छ ।
