काठमाडौं । विवेकशील साझा पार्टीले छैठोैँ स्थापना दिवसको अवसर पारेर पार्टीको राजनीतिक दस्तावेज र वार्षिक कार्ययोजना सार्वजनिक गरेको छ।
पार्टी मुख्यालय बखुण्डोलमा बिहीवार आयोजित समारोहमा अध्यक्ष समीक्षा वास्कोटा उपाध्यक्ष प्रकाशचन्द्र परियार र विमला अधिकारी, महासचिव रन्जु दर्शना, सचिवद्वय विमल तामाङ र समुन्द्र केसी,कोषाध्यक्ष दामोदर नेपाल र प्रवक्ता आशुतोष प्रधानले राजनीतिक दस्तावेज र वार्षिक कार्ययोजना संयुक्त रुपमा सार्वजनिक गरेका हुन।
समारोहमा पार्टी जीवनका विभिन्न कालखण्डमा योगदान गरेका अगुवाहरुलाई कृतज्ञता(पत्र प्रदान गरिएको थियो।
समारोहमा पार्टीका दिवंगत संस्थापक नेताहरु उज्वल थापा, रमेश महर्जन,प्रेम आचार्य,कृष्णा ताम्राकार र अरुण शाक्यलाई विशेष स्मरण गरिएको थियो।
वार्षिकोत्सवको उपलक्ष्यमा पार्टीले आगामी शनिवार बृक्षरोपण र रक्तदानको समेत आयोजना गरिएको विवेकशील साझापार्टीका केन्द्रीय कार्यालय ब्यवस्थापन विभाग प्रमुख नवराज थापाले जानकारी दिनुभयो ।
