एजेन्सी । छिमेकी देश भारत रहस्यले भरिपूर्ण छ । पाइला–पाइलामा यस्ता अनौठा जानकारीहरु आइरहन्छन् जसका अनौठा तथ्यहरु हुन्छन् । यसै सन्दर्भमा एक मन्दिरको बारेमा चर्चा गरौं जुन मन्दिररमा ५२ टनको चुम्बक लगाइएको छ ।
यस मन्दिरको नाम हो कोणार्कको ‘सुर्य मन्दिर’ । यो मन्दिर आफ्नो पौराणिकता र आस्थाको लागि विश्वभरमा चर्चित छ । तर कैयौं अन्य कारणहरु रहेका छन् जसकारण यस मन्दिरलाई दर्शन गर्नका निम्ति टाढा–टाढा बाट मानिसहरु यहाँ आउने गर्छन् ।
कोर्णाक मन्दिरको गर्भगृहमा स्थापित गरिएको सुर्य भगवानको साक्षात दर्शनको सौभाग्य कम मानिसहरुको लागि मात्र प्राप्त हुन्छ । यस मन्दिरलाई युनेस्कोद्वारा विश्व सम्पदा सुचीमा पनि समावेश गराइएको छ । भन्ने गरिन्छ यस मन्दिरमा ५२ टनको विशाल चुम्बक लगाइएको छ ।
पौराणिक कथा अनुसार सुर्य मन्दिरको शिखरमा ५२ टन चुम्बकीय पत्थर लगाइएको थियो । यो पत्थर समुद्रको विपतलाई कम गर्ने गथ्र्यो । जसकारण यो मन्दिर सयौं दशक देखि समुद्रको किनारमा रहिरहेको छ । यो मन्दिरलाई चुम्बकीय व्यवस्थाको हिसाबले निर्माण गरिएको थियो ।
विशाल चुम्बकीय व्यवस्था आधुनिक कालको शुरुवातमा भने समस्या बन्न पुग्यो । चुम्बकीय शक्ति यति भयानक थियो की पानीजहाजलाई मन्दिरतर्फ नै खिच्ने गथ्र्यो । अंग्रेजहरुको कालमा जब नोक्शान हुन थाल्यो तब उनीहरुले मन्दिरभित्र लगाइएको चुम्बक निकालियो ।
चुम्बक निकालेपछि मन्दिरको सन्तुलन समेत बिग्रन पुग्यो । जसकारण मन्दिरको कैयौं पर्खालहरु र पत्थर झर्न थाल्यो । भारतको पूर्वी राज्य ओडीशामा स्थित यो मन्दिर चन्द्रभागा नदीको किनारमा निर्मित छ । अद्भुत कलाको नमूना यो मन्दिर अनौठो रहेको छ ।
