काठमाडौं । सत्तारुढ दल नेपाली काँग्रेसका प्रवक्ता डा. प्रकाशशरण महतले एमसीसी संसदमा पेश भए बहुमतका साथ पारित हुने दाबी गर्नुभएको छ ।
बिहीवार पार्टी कार्यालय सानेपामा बसेको कार्यसम्पादन समितिको पहिलो बैठकपछि सञ्चारकर्मीहरुसँगको कुराकानीका क्रममा प्रवक्ता महतले यस्तो बताउनु भएको हो । उहाँले बैठकमा स्थानीय निर्वाचनको बारेमा छलफल भएको पनि बताउनु भयो ।
प्रवक्ता महतले बैठकमा वक्ताहरुले बोल्ने क्रम नसकिएकोले भोलि पनि छलफल चल्ने बताउँदै आजको बैठकमा स्थानीय निकायको निर्वाचन, भातृसंगठनहरुको समयसीमा र एमसीसीको विषयमा चर्चा गरिएको बताउनु भयो । बैठकमा वक्ताहरुले एमसीसीलाई कसरी चाँडै निस्कर्षमा पु¥याएर टुंग्याउने कुरामा बिस्तृत छलफल भएको बताउनु भयो । उहाँले एमसीसी संसदमा लैजान नहुने कुनै कारण नरहेको भन्दै चाँडै यस विषयको निस्कर्षमा पुग्ने बताउनु भयो ।
प्रवक्ता महतले भन्नुभयो, ‘ एमसीसी संसदबाट नै टुंग्याउन उपयुक्त हुन्छ, संसदमा एमसीसीको विषयले प्रवेश नपाउने कुनै कारण छैन, सदनमा प्रवेश पाएपछि ठूलो बहुमतकासाथ पारित हुन्छ । स्थानीय निकायको निर्वाचन वैशाख ३० गते जुन हुँदैछ, त्यो निर्वाचनमा नेपाली काँग्रेसले पार्टीलाई सशक्त ढंगबाट आफूलाई प्रश्तुत गर्ने, जनताको बीचमा अझ सशक्त ढंगले कसरी जोडिने ? र सफलता कसरी हाँसिल गर्ने ?त्यो एउटा छलफलको विषय छ ।
दोस्रो भातृसंगठनहरुको समयसीमा सकिएको, कतिपय त्यहाँका नेताहरु केन्द्रिय समितिमा निर्वाचित भएको, त्यसपछि पद स्वतः रिक्त हुने भएकोले त्यसलाई ध्यानमा राखेर भातृ संगठनलाई कसरी सुदृढ गर्ने र बिस्तार गर्ने र समयसीमालाई पनि कसरी तोक्ने भन्ने विषय पनि आजको छलफलको विषय छ । त्यस्तै एमसीसीको बारेमा पनि बहस भइरहेको छ, नेपाली काँग्रेस पार्टीले कसरी अघि बढ्ने, यद्यपी पार्टी सरकारमा हुँदा विभिन्न सरकारको सहभागीतामा त्यो प्रक्रिया अघि बढेको हो । त्यसमा माओवादीको समेत संलग्नता थियो ।
उहाँहरुकोसमेत संलग्नतामा एमसीसी अनुमोदन भएको हो । नेपाल सरकारले सन् २०१२ मा नै त्यो प्रक्रिया अघि बढाएको हो । त्यो अन्योललाई पनि चाँडै समाप्त पार्नुपर्छ भनेर र त्यो प्रक्रियालाई संसदमार्फत अघि बढाउनु पर्छ भन्ने कुरामा पनि पार्टीमा कुनै द्विमत छैन । साथीहरुले यो प्रक्रिया अघि बढाउने र अरु दलहरुको सहमतिमा लाग्ने कुराहरु नै गर्नुभएको छ । सँगै भ्रात्रु सुवेक्षुक संगठनको विषयमा । स्थानीय निर्वाचनको विषयमा हामीले छलफल जारी राखेका छाँै । आज बोल्ने क्रम नसकिएकोले भोलि सायद फस्र्ट आवरमा नै बैठक गरेर टुंग्याउने योजना छ ।’
प्रवक्ता महतले विधानको व्यवस्थाअनुसार पार्टीले भातृ संगठनहरुको बारेमा निर्णय गरेर अघि बढ्ने पनि बताउनु भयो ।
