काठमाडौं । राष्ट्रपति विद्यादेवी भण्डारीबाट संविधानको धारा ७६ (५) अनुसार सरकार बनाउन आह्वान गरेपछि आज अपरान्ह प्रधानमन्त्री केपी ओलीले एमालेका १२१ र जनता समाजवादीका ३२ जना गरी १५३ जनाको हस्ताक्षर राष्टपति कार्यालयमा बुझाइसकेको बुझिएको छ ।
सरकार बनाउन आवश्यक संख्या १३६ हो । त्यसै बमोजिम उनले संसदको हस्ताक्षर बुझाएका थिए । आज बालुवाटारमा आयोजना गरेको पत्रकार सम्मेलनपछि लगत्तै प्रधानमन्त्रीले सो हस्ताक्षर राष्टपति कार्यालयमा बुझाइसकेको बुझिएको छ ।
नेकपा एमाले र जसपाका सबैजनाको हस्ताक्षर उनीहरुले बुझाएका शीतल निवास स्रोतले जनाएको छ ।
तर यता काँग्रेस अध्यक्ष शेरबहादुर देउवाले १४९ जनाको हस्ताक्ष लगेर शीतल निवास पुगेका छन् ।
देउवालाई एमालेका माधव नेपालका २७ जनाले समर्थन गरेका छन् भने माओवादी केन्द्र र जसपाको उपेन्द्र यादव समूहको समर्थन रहेको छ । उनाीहरुले पनि प्रधानमन्त्रीमा देउवालाई समर्थन गरेको पत्रका साथ आफूहरु पनि शीतल निवास जम्मा भएका छन् ।
अब यहाँ एमालेका र जसपाका सांसदको हस्ताक्षर दोहोरो परेपछि विवाद हुने देखिएको छ । नेकपा एमालेको तथा जसपाको संसदीय दलले लगेको हस्ताक्षर मान्ने कि व्यक्तिको भन्ने विषयमा राष्ट्रपति कार्यालयमा दुविधा हुने देखिएको छ ।
