• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   बुर्तिवाङ स्वास्थ्य केन्द्र ५० शय्याको अस्पतालमा स्तरोन्नति हुँदै ★   नेपाली क्रिकेटले खुलाएको देशभक्तिको भाव र जोडिएको भावना ★   भारत टी–२० विश्वकपको सुपर ८ मा प्रवेश, १११ रनको लक्ष्य १८.२ ओभरमा पछ्यायो ★   गणतन्त्रपछि विकासका बहुआयामिक द्वार खुलेका छन्ः पूर्वप्रधानन्यायाधीश श्रेष्ठ ★   दुर्लभ चराको बासस्थान बन्यो रेसुङ्गा र मदाने ★   “डिजिटल रूपान्तरणलाई अँगाल्दै” आइएमई २४ औ वर्षमा प्रवेश ★   ‘रोड थ्रिलर’ विधामा बन्यो ‘बाटोः रोड टु डेथ’ ★   काठमाडौं महानगरपालिका गर्यो सिंहदरबारभित्रबाट चार बालश्रमिकको उद्धार ★   मधेस स्वास्थ्य विज्ञान प्रतिष्ठानमा एमबिबीएस कार्यक्रम सुरु गर्न मुख्यमन्त्री सिंहको जोड ★   प्रधानमन्त्रीसँगको भेटपछि ओलीको प्रतिक्रिया– भेट राम्रो भयो

रुसले भन्यो– युक्रेनले हाम्रा पत्रकारको हत्या गर्यो



एजेन्सी । रुस–युक्रेन युद्धका बीच जापोरिजिया क्षेत्रमा युक्रेनको आक्रमणमा परी एक रुसी पत्रकारको मृत्यु भएको छ । यस्तै, ३ पत्रकार घाइते भएका छन् । रुसले यसका लागि कीभ र पश्चिमी देशहरूलाई दोष लगाएको छ ।

रुसको रक्षा मन्त्रालयले युक्रेनले अमेरिकाबाट प्राप्त क्लस्टर बममार्फत यो हमला गरेको आरोप लगाएको छ । रुसको विदेश मन्त्रालयले यसलाई पूर्व नियोजित जघन्य अपराध भनेको छ ।

विदेश मन्त्रालयका प्रवक्ता मारिया जाखारोभाले भनिन्– ‘युक्रेनले आतंक फैलाइरहेको छ । रुसी पत्रकारलाई निशाना बनाएर हामीमाथि बदला लिन खोज्नेलाई कारबाही हुन्छ । युक्रेनलाई हतियार आपूर्ति गर्ने व्यक्तिहरू पनि यस मृत्युका लागि जिम्मेवार छन् ।’

हत्या गरिएका रुसी पत्रकारको नाम रोस्टिस्लाभ झुराभलेभ हो । उनी सरकारी समाचार एजेन्सी आरआइएका लागि युद्ध संवाददाताका रूपमा कार्यरत थिए । युक्रेनको जापोरिजिया क्षेत्रबाट आक्रमणका बीच उनका तीन सहयोगीहरूलाई सुरक्षित रूपमा बाहिर निकालिएको छ।

मन्त्रालयले सबै पत्रकारले क्लस्टर बम प्रयोग गरी कीभका आतंककारीहरूले गरेको आक्रमणको रिपोर्ट गर्न प्रमाण सङ्कलन गरिरहेको बताएको छ । समाचार एजेन्सी आरआइएले पनि जापोरिझिया गाउँमा पत्रकारको मृत्यु भएको पुष्टि गरेको छ । यद्यपि आक्रमणमा क्लस्टर हतियार प्रयोग भएको हो भन्ने अहिले नै पुष्टि भएको छैन ।