काठमाडौं । प्रमुख प्रतिपक्ष दल नेपाली कांग्रेसका सभापति शेर बहादुर देउवाले प्रधानमन्त्री र राष्ट्रपतिबाट संविधानलाई निजि सम्पत्तिका रुपमा प्रयोग भइरहेको आरोप लगाउनुभएको छ । आज एक प्रेस विज्ञप्ति जारी गर्दै सभापति देउवाले यस्तो अभिव्यक्ति दिनुभएको हो ।
आफूले प्रतिनिधिसभामा कायम सदस्य संख्याको स्पष्ट बहुमतसहित प्रधानमन्त्रीमा दाबी प्रस्तुत गरेपनि त्यसअनुरुप राष्ट्रपतिले आफूलाई तत्काल प्रधानमन्त्री नियुक्त गर्नुपर्नेमा त्यसो नगरेको भन्दै उहाँले आपत्ति समेत जनाउनुभएको छ ।
उहाँले भन्नुभएको छ, ‘राष्ट्रपतिले गरेको आह्वानको आधारमा मैले प्रतिनिधि सभामा तत्काल कायम रहेका सदस्य संख्याको स्पष्ट बहुमत सहित १४९ जना माननीय सांसदहरुको हस्ताक्षर सहित प्रधानमन्त्रीका लागि दावी प्रस्तुत गरेँ । नेपालको संविधान बमोजिम राष्ट्रपतिले मलाई तत्काल प्रधानमन्त्रीमा नियुक्त गर्नु पर्नेमा त्यसलाई इन्कार गर्नुभयो ।
