काठमाडौँ । काठमाडौँको फोहोर व्यवस्थापन गर्न बञ्चरेडाँडामा प्रहरी परिचालन गरिएको छ।
नुवाकोटको ककनी गाउँपालिका र धादिङको धुनिबेसी नगरपालिकाका स्थानीयको अवरोधका कारण काठमाडौं उपत्यकाका फोहोर सोमबारदेखि विसर्जन हुन सकेको थिएन ।
अहिले एक सय ५० हाराहारीमा प्रहरी बञ्चरेडाँडामा पठाइएको जिल्ला प्रहरी परिसर काठमाडौंका एसपी सीताराम रिजालले जानकारी दिए। प्रहरी परिचालन गरी महानगरको फोहोर बोकेको गाडी त्यसतर्फ लगिएको उनले बताए ।
काठमाडौं उपत्यकाका १८ वटा स्थानीय तहबाट दैनिक ११ सयदेखि १३ सय मेट्रिक टन फोहोर बञ्चरेडाँडामा विसर्जन हुँदै आएको थियो। तर, विगतमा भएका सहमति कार्यान्वयन नभएको भन्दै बञ्चरेडाँडा र सिसडोलका स्थानीयवासीहरुले नयाँ आर्थिक वर्ष सुरु भएकै दिनदेखि फोहोर विसर्जनमा रोक लगाएका थिए ।
