काठमाडौं । नेकपा एमाले माधव पक्षका १९ सासंदहरु नेपाली कांग्रेस सभापति शेरबहादुर देउवालाई परमादेशमार्फत प्रधानमन्त्रीको सपथका लागि बाटो खोल्न माग गर्दै रिट दायर गर्न सहमत भएका छन् ।
जसका लागि १९ जनाले हस्ताक्षर गरिसकेको र अरु केही सांसद आउने क्रममा रहेको बताइएको छ ।
माधव कुमार नेपाल, झलनाथ खनाल, जीवन राम श्रेष्ठ, कृष्ण लाल महर्जन, विरोध खतिवडा, झपट बहादुर रावल, भीम बहादुर रावल, रामकुमारी झाँक्री, कलिला खान लगायतका सासंसदहरु सहमत भएका हुन् ।
संसद भवन नयाँ बानेश्वरमा घनश्याम भुसाल,सोमप्रसाद पाण्डे, झपट रावल, रामकुमारी झाँक्रीलगायतका सांसद हस्ताक्षर जुटाउन लागिपरेको स्रोतले जनाएको छ ।
यता गोकर्ण विष्ट,योगेश भट्टराई लगायतका नेताले भने यसमा असहमत जनाउँदै हस्ताक्षर गरेका छैनन् ।
