दोलखा । दोलखाका पत्रकार रविन्द्र गौतमलाई श्वासप्रश्वासमा समस्या देखिएपछि थप उपचारका लागि हेलिकप्टरमार्फत काठमाडौँ लगिएको छ ।
केही दिनदेखि सामान्य ज्यरो रुघाखोकीको सामना गरेका गौतमलाई आज एक्कासीसमस्या देखिएपछि थप उपचारका लागि काठमाडौं लगिएको हो ।
उहाँलाई कोभिड–१९ को आशंकामा आज एन्टिजिन परीक्षण गर्दा पोजेटिभ देखिएको चरिकोट अस्पतालले जनाएको छ । उहाँको फोक्सोमा समस्या भएको जनाइएको छ ।
पत्रकार गौतम दोलखाबाट प्रसारण हुने रेडियो भीमेश्वरको स्टेशन म्यानेजर तथा दोलखाबाट अन्नपूर्ण पेष्ट दैनिकमा कार्यरत हुनुहुन्छ ।
