काठमाडौँ । श्रीलंकामा जारी एसीसी पुरुष इमर्जिङ टिम्स एसिया कप क्रिकेट अन्तर्गत नेपालले भारत ‘ए’लाई १६८ रनको लक्ष्य दिएको छ ।
टस जितेर पहिले ब्याटिङ थालेको नेपाल ३९.१ ओभरमा अलआउट हुँदै १६७ रन बनाएको हो ।
नेपालका लागि कप्तान रोहित पौडेलले सर्वाधिक ८५ बलमा ६५ रन जोडे । यस्तै, गुलशन झाले ३० बलमा ३८, देव खनालले २१ बलमा १५, सोमपाल कामीले ३९ बलमा १४ रन जोडे । कुशल भुर्तेल शून्य रनमै आउट हुँदा आशिफ शेखले ७, भीम सार्कीले ४ रन बनाए । यस्तै पवन शर्राफले ९ बलमा ६ रन जोड्दा ललित राजवंशीले ७ बलमा ३ रन जोडे ।
बलिङतर्फ भारतका निषान्त सिन्धुले ४ विकेट लिए भने राजवर्दन हांगारगेकर ३, हर्षित रानाले २ तथा मानव सुथरले १ विकेट लिए ।
